Toshkent tibbiyot akademiyasi Xalqaro fakulteti O‘zbek va xorijiy tillar kafedrasida bo‘lib o‘tgan “Milliy liboslarimiz – milliy qadriyatlarimiz bezagi” tadbiri
Toshkent sh. 25.02.2025–y
Tashkilotchilar: kafedra mudiri, prof.. R.M. Abdullayeva, ma’naviy ishlarga mas’ul O.A. Muxammedova va kafedra o‘qituvchilari
Qadriyatlar – har bir millatning ma’naviy qiyofasini namoyon etadi. Xalqimizning asrlik o‘tmishi, qadriyatlari va milliy madaniyatini aks ettiruvchi milliy liboslarimiz qadriyatlarimizning muhim qismi bo‘lib, butun millatning ma’naviy qiyofasini o‘zida namoyon etadi.
Mamlakatimizda milliy liboslar targ‘ibotini kuchaytirish, yosh avlod ongiga millat ruhiyatini singdirish, ular hayotiga o‘zbekona mentalitet me’yorlarini olib kirish hamda milliy liboslarga mehr uyg‘otish maqsadida turli xil milliy Xon atlas liboslar festivali va shu ko‘rinishdagi tadbirlarning tashkil etilayotganligi ham bejiz emas. Atlas va adras matosi go‘zalligi, qadimiyligi, betakrorligi, dunyoning hech qaysi chekkasida uchramasligi bilan qadrlidir. Zero, milliy matomiz xon atlasda eng yorqin tabiiy ranglar jilosi, gullar ifori, nokiza qalblar, nafis tuyg‘ular uyg‘unligi mujassam.
25.02.2025-y. Xalqaro fakulteti O‘zbek va xorijiy tillar kafedrasi professor-o‘qituvchilari hamda akademiya talabalari ishtirokida “Milliy liboslarimiz – milliy qadriyatlarimiz bezagi” shiori ostidagi milliy liboslar kunini o‘tkazishdi. Xalqimizning ming asrlik o‘tmishi, urf-odat va an’analari, estetik qarashlari, milliy qadriyatlarimiz tom ma’noda milliy matolarimizda o‘z ifodasini topib kelayotgani bilan yanada qadrli va ahamiyatlidir.
Tadbirda milliy liboslarimiz timsolida xalqimizning asrlarga tutash o‘tmishi, urf-odati va an’analari, yuksak ma’naviy qiyofasini namoyish etib, sherlar aytishdi.