“O‘zbegim piyolasi” nomli seminar
Toshkent Tibbiyot Akademiyasining O‘zbek va xorijiy tillar kafedrasi ingliz tili o‘qituvchilari G.A.Dadaboyeva va S.A.Norboboyeva 26-noyabr kuni xorijiy guruh talabalari – Hindistonlik talabalar joylashgan yotoqxonaga tashrif buyurishdi.
Tashrif davomida o‘qituvchilar talabalar turar joy sharoitlari bilan tanishib, ularga “O‘zbegim piyolasi” nomli seminar o‘tkazishdi. Ushbu seminar davomida o‘zbek xalqiga xos qadriyat va an’analardan biri – choyni to‘g‘ri solish va uzatish madaniyati haqida ma’lumot berildi. Seminar jarayonida an’ana amalda namoyish qilindi, bu esa talabalar uchun qiziqarli bo‘ldi.
O‘qituvchilar tadbirni talabalar bilan iliq muhitda suhbat bilan o’tkazishdi. Tadbir yakunida talabalar bilan esdalik uchun suratga tushishdi. Talabalar tadbirdan mamnun bo‘lib, o‘qituvchilarni xush kayfiyatda kuzatib qo‘yishdi.
Ushbu tashrif xorijiy talabalar bilan ijtimoiy aloqalarni mustahkamlash va o‘zbek madaniyatini targ‘ib qilish maqsadida tashkil etilgan.