Amir Temur muzeyiga tashrif
2024 yil 20-noyabr kuni kafedra katta o‘qituvchisi Pulatova Sh.S. hamda tibbiy profilaktika fakulteti 106-b guruh talabalari Amir Temur muzeyiga tashrif buyurishdi.
Muzey mas’uli buyuk shaxs sohibqiron A.Temur hayoti va Vatan uchun olib borgan jangovor faoliyati haqida so‘zlab berdi. Muzeyda Amir Temurning shajarasi, hokimiyat tepasiga kelishi, harbiy yurishlari, diplomatik munosabatlari, savdo-sotiq, hunarmandchilik, obodonchilik, ilm-fanni rivojlantirish va mashhur temuriy sulolalasi haqida hikoya qiluvchi eksponatlar o‘rin olganligining guvohi bo‘lishdi. Muzeyni ko‘zdan kechirish mobaynida Toshkent, Samarqand va Shahrisabz kabi shaharlarda Sohibqironning mahobatli haykallari qad rostlagani, poytaxtimiz markazida uning nomi bilan ataluvchi xiyobon yonida Temuriylar tarixi davlat muzeyi tashkil etilgani haqida ma’lumot berildi.